Mishrit

1.     Abhilekh Karyalaya ke sath patrachar ke liye hamesha Army No, rank, naam aur sevanivruti ki tithi avashya likhen.

2.     Army Placement Agency se Zila Sainik Board aur Station HQ ke dwara DSC aur dusari naukari mein punrbharti ke liye jankari hasil karen.

3.     Punrbharti ke lie aap Abhilekh Karyalaya se ‘Last Pay Drawn Certificate’ prapt kar sakte hain.

4.    Sabhi mahatvapurn ghatnayen jaise shadi, mrityu, janam ityadi shamil hain ko panch sal ke andar Zila Sainik Board ke dwara Abhilekh Karyalaya ko Part II Order mein chhapne ke lie suchit Karen.

5.   Bhootpurva Sainikon ke Ashriton ke Naam Badli Karne Hetu. Bhootpurva JCO evam anya padon ki patni aur bachchon ke padnam badalne hetu Part II Order unke agrah par Zila Sainik Board dwara sambandhit dastavejon ke adhar par kiya jata hai. Sambandhit dastavejon ka vivran pratyek ke samne nihit hai:-

(a)     Patni ke Pratham Naam ki Badli ke Liye Dastavej.

(i)     Pratham Varg Magistrate dwara shapath patra.

(ii)     Do rashtriya samachar patron dwara prakashit parivartit naam ki pratilipi.

(iii)     Vidhyalaya Parityag Praman Patra ki pratilipi.

athava

Gram panchayat dwara janam ya mrityu praman patra.

(b)     Bachchon aur Bhai/Bahin ke Naam ki Badli Hetu.

(i)     Pratham Varg Magistrate dwara shapath patra.

(ii)     Gram panchayat dwara janam ya mrityu praman register ki pratilipi.

athava

Vidhyalay Parityag Praman ki pratilipi.

(iii)    Do rashtriya samachar patron dwara prakashit parivartit naam ki pratilipi.

Note : -  Janam tithi jo ek baar prakashit ho chuki ho tatha service record mein nihit ho usko badli nahin kiya ja sakta.

Authority:   Sena Mukhyalaya ka Patra Sankhya 20107/MP-8(I of R) dt 31 Dec 2003.

6.     Apane pariwar ke sadasyon ko sadaiv suchit karen ki agar Bhootpurva Sainik ki mrityu ho jati hai to unhe kaun – kaun si arthik suvidhayen uplabdh hain.

7.     UHQ Bharti. Ek ladka ya goad liya hua ladka ya ek bhai UHQ bharti kota ke tahat bharti kiya ja sakta hai. Inmen kuchh riyayaten di jati hain.

8.     Ghar ka Pata Badli Hetu. Documentation Procedure JCOs and OR 1992 ke Paragraph 1091 ke tahat Bhootpurva Sainikon evam Vidhwaon ko ghar ka pata badalne hetu Zila Sainik Board dwara pramanit avedan patra Abhilekh Karyalya mein bhejna hoga.

Pension Paper ki Prapti

9.     PCDA (P), Allahabad JCO evam Anya Padon se sambandhit Pension Bhugtan Adesh (PPO) ko unke Abhilekh Karyalya mein bhejta hai.

10.   Abhilekh Karyalya Descriptive Roll aur Pension Certificate ke sath sambandhit PDA ko bhejta hai aur pensioner ko suchit karta hai.

11.   PDA se call letter prapt hone ke baad pensioner ko sambandhit PDA ko pratham bhugtan ke liye report karna chahiye. Pensioner ko Abhilekh Karyalya se prapt Pension Certificate athwa suchana patra ko PDA mein dikhana chahiye.

12.   Pensioner ko pratham bhugtan aur AGI Maturity bhugtan se pahle bank account band/badli nahin karna chahiye.

Dastavejon ke Gum Hone Par

13.   Agar pratham bhugtan pane se pahle PPO gum ho jata hai to PDA ko Gum Praman Patr (Loss Certificate) ke saath PCDA (P), Allahabad ko aagrah karna chahiye taki unko duplicate PPO pradan kiya ja sake.

14.   Agar Pension Certificate pratham bhugtan ke pahle gum ho jata hai to Pension Anumodan Authority (PCDA (P), Allahabad) ko sambadhit Abhilekh Karyalya dwara duplicate Pension Certificate ke liye anumodan kiya jata hai.

15.   Agar Pension Certificate pratham bhugtan ke baad gum ho jata hai to PDA ko duplicate copy ke liye sampark kiya jata hai.

16.   Agar Discharge Certificate gum ho jata hai to Zila Sainik Board ke dwara ek FIR ki copy ke sath sampark kiya jata hai.

17.   ECHS card gum ho jane par sambandhit Station HQ ko naye card ke liye report karna chahiye.

Commutation of Pension

18.   Pension ke commuted portion ko PPO jaari hone ke teen mahine baad pension ghat kar milni chahiye aur agar rashi ghat kar na mile to bank se sampark Karen kyonki baad me bank puri rakam katega aur aapke jyada paise katne ki sambhavana ho sakati hai.

Ruki Hui Gratuity Rakam ka Bhugtan

19.   Ruki hui DCRG rakam ka bhugtan sevanivruti ke chhah maah baad bagair PCDA, Allahabad ki authority ke kiya jata hai.

Pension ka Sthanantran

20.   Agar pensioner apne pension account to ek PDA se dusre PDA mein sthanantran ke liye ichhuk hai to use apne vartman PDA mein aavedan prastut karna hoga, PCDA (P), Allahabad ko avedan dene ki avshyakta nahi hai. Pension account Bharat ke bahar manya nahin hai.

Agent ke Dwara Pension ka Bhugtan

21.   Pension karmi jo apni pension Bharat se bahar rahate hue lena chahte hain unko ek ‘Non Resident Account’ kholna padega jisko Bharat ke kisi bhi public sector bank mein khola ja sakta hai. Use Bharat se bahar jane se pahle non judicial stamp paper par kisi bhi Magistrate dwara satyapit kiya hua chahiye. Pensioner ko varsh mein ek baar unke Rajdoot/Dootavas jahan vah rah raha hai vahan Life Certificate dikhana hoga agar vah apani Rashtriyata South Africa aur Israil mein badal leta hai to use apne PDA ke dwara PCDA (P), Allahabad ko pension jaari karne ke liye anumodan karna padega.

Dainik Bhatte ka Bhugtan

22.   Bhootpurva Sainik Adhikari jo Sarkari Karyalaya/Company/Corporation/Adhikrit Upkarmon mein dobara rojgar ko prapt karta hai to use Dainik Bhatta (DA) nahin diya jayega. Lekin Bhootpurva JCO/OR ko unke certificate prastut karne ke baad jisme unke nyunttam scale fix hone ka praman dena padega, Dainik Bhatte ka bhugtan kiya jaata hai.

Insane Pension

23.   Agar pensioner ki dimagi sthiti thik nahin hai to uske ashrit iske bare mein Magistrate se praman patra lekar PDA mein Jivit Prman Patra ke sath prastut kar sakte hain aur pension ka bhugtan le sakte hain. Agar pensioner ko kisi Dimagi Asptal mein dekhrekh ke liye bharti kiya jata hai to uske ashriton ko uska bhugtan karna padega. Iska pravdhan Launcy Act ke Section 25 mein diya hai.

Court Attachment

24.   Pension Act 22 of 1871 ke anusar kisi bhi pensioner ki pension ka koi bhi bhaag banta nahin ja sakta.

Varshik Janch

25.   Pratyek varsh November ke mahine mein ek Life Certificate pensioner ke dwara prastut karna chahiye jo apni sharirik bimari ki vajah se apni pension kisi pratinidhi ke dwara prapt karte hain.

26.   Pensioner jo apni pension PSB aur DPDO ke dwara prapt kar raha hai use varsh mein ek baar November ke mahine mein janch ke liye PDA ko report karna chahiye.

Kaidi Pensioner

27.   Agar pensioner court dwara kaid ya jel mein ho to uski pension barakhast ki jayegi. Use Court Order ki copy apne PDO ko sonpana chahiye jisse ki PCDA (P), Allahabad ko suchit kiya ja sake tatha unka aadesh prapt kiya ja sake. Jail se riha hone ke baad PDA ke dwara sambandhit dastavejon ke saath PCDA (P) Allahabad ko suchit karna chahiye jisse ki punah pension bahal ki ja sake.

Pension ke Commuted Portion ka Bhugtan

28.   Pension ke commuted portion ka bhugtan PDA ke dwara savyam kiya jata hai. PCDA (P), Allahabad ki kisi authority ke bina iska bhugtan pension ke pratham bhugtan ke 15 varsh ke baad kiya jata hai.

Do Pension

29.  Agar pensioner ek se jyada pension prapt kar raha ho to use pura vivran dono pensionon ke Dainik Bhatte (DA) ke liye sambandhit PDA ko dena chahiye taki uske Dainik Bhatte ko niyamit kiya ja sake.

Shadishuda Vyakati

30.  Agar pensioner discharge ke baad shadi kiya hai aur bachche ka janam athava patni/bachche ki mrityu hui ho to uska pura vivran Janam/Mrityu Praman Patra ke sath sambandhit Abhilekh Karyalya mein unke Sheet Roll mein nihit karne ke liye diya jana chahiye jisse ki koi bhi preshani unke pariwar ko na ho.

31.  Agar Pariwarik Pension (Family Pension) ka joint notification nahin hua ho to apne PDA ke madhyam se uchit farm bhar ka bhejna chahiye.

Apangata Pension (Disability Pension)

32.  Agar Apangata Pension namanjoor hui ho to aap Bharat Sarkar ko chhah maah ke bhitar apne sambandhit Abhilekh Karyalaya dwara appeal kar sakte hain agar aap sochte hain ki apangata seva se sambandhit hai. Thik usi tarah se vidhwayen bhi Special Family Pension namanjoor hone par appeal kar sakti hain.

33.  Aapko salah di jaati hai ki aap RSMB ke lie diye hue samay par sambandhit Hospital ko report karen. Agar aap lambe samay se RSMB nahi karaye hai to uski jankari apane Abhilekh Karyalaya ko den.

Shareerik Roop se Aksham Tatha Maanasik Rogi Bachchon ke Liye

34.  Agar aapka bachcha shareerik roop se aksham ya maanasik roop se bimar hai to aap iska vivaran Abhilekh Karyalay me aapke seva va pension record mein darj karne hetu bheje tatha uski pavati prapt kare.

Praman Patra

35.   Apane PDA me Periodical Certificate apne punar rojgaar tatha rojgaar ke liye dey tithi par prastut karen jisse ki aapki pension ko niyamit kiya ja sake.

LTA ke Liye Namankan

36.   Pensioneron ko salah di jati hai ki apne pariwar ko Family Pension hetu namankit karen jisse unke mrityu ke pashchat unke khate ka jama paisa unke ashriton ko diya ja sake. Agar patni bhi jinda nahin hai to pariwar ke dusre sadasya ko Life Time Arrears ke liye namankit karna chahiye.

Family Pension ke Liye Joint Notification

37.   Vidhwaon ko jinke paksh me pension jointly jotified kiya gaya hai unke pati ki mrityu hone ke pashchat unka Mrityu Praman Patra sambandhit PDA ko prastut karna chahiye jisse ki unhen Family Pension unake pati ki mrityu ke pashchat di ja sake.

Pension Arrears ka Bhugtan

38.   Agar pension ki prapti ek varsh se adhik tak nahin hoti hai to use time barred mana jata hai jiska bhugtan DPDO ki competent authority ke anumodan ke baad hi kiya jata hai aur agar pension PSB (Bank) ke dwara ho to arrears claim ke bhugtan ke liye sambandhit form bank mein diya jata hai jisse ki PCDA (P), Allahabad ka anumodan liya ja sake.

Gumshuda Pensioner

39.   Agar pensioner gum ho gaya ho to uske pariwar ko FIR thane mein daraj karni chahiye. Agar pensioner ka pata ek varsh baad nahin paya jata hai to use police authority ke dwara ek certificate lena chahiye aur is baat ki suchana PDA ko sabhi dastavejon ke sath PCDA, Allahabad ko anumodan ke liye bhejna chahiye jisse ki Family Pension di ja sake.

Shikayten

40.   Agar PCDA ke saath mein kisi bhi prakar ki samasya ho to use aap PCDA (P), Allahabad ko anumodit kar sakte hain. Iske liye aapko nimnlikhit jaankari dena hoga: -

(a)     Aapka naam, sainya sankhya (Army No) aur Abhilekh Karyalya ka naam jahan se aap sevanivrit hue the.

(b)     PPO number aur tarikh jismen aapka pension ka byaura diya gaya ho.

(c)     Bank/PDA ka naam jahan se aap pension prapt kar rahe hon tatha saath mein bank ka saving/current account ka vivran bhi dena hoga.

(d)     TS/PS/HO number jo aapko diya gaya hai unka vivaran bhi den (Agar DPDO, Treasury aur Post Office ho).