ABHILEKH KARYALYA MECHANISED INFANTRY KI TATKAL JANKARIYAN

Adhunikikaran ke kshetra mein is karyalya ne automation ki prakriya varsh 1996 mein UNIX software ke saath prarambh ki. Vartaman mein naya application software ARPAN 2.0 ka istemaal kiya ja raha hai.

LT GEN K SURENDRA NATH, PVSM, AVSM, VSM,
COLONEL OF THE MECHANISED INFANTRY REGIMENT
DWARA WEBSITE KA UDGHATAN

Abhilekh Karyalaya ne doosri mahattavpurna uplabdhi 21 Jul 2011 ko prapt ki jab apna svayam ka website Army Intranet par launch kiya jiska udghatan Lt Gen K Surendra Nath, PVSM, AVSM, VSM, Colonel of the Mechanised Infantry Regiment ke dwara kiya gaya jisse ki Abhilekh Karyalaya, uniton aur Regiment ke karyarat sainikon ke beech suchanaon ka jald adan pradan mumkin ho saka. Is website ke launch hone ke baad Abhilekh Karyalaya aur uniton ke dastavejon ka star kafi uncha hua hai.

LT GEN K SURENDRA NATH, PVSM, AVSM, VSM,
COLONEL OF THE MECHANISED INFANTRY
REGIMENT DWARA ROI KA VIMOCHAN

Apni pragati path par agrasar hote hue Abhilekh Karyalaya ne ‘Compendium of Record Office Instructions’ ka samavesh kiya hai jiska vimochan bhi Lt Gen K Surendra Nath, PVSM, AVSM, VSM, Colonel of the Mechanised Infantry Regiment ke dwara satarahavi Biennial Conference ke dauran kiya gaya. Sabhi mahattavapurn patra jo seva sharton, vetan aur bhatton tatha pension sambandhit November 2011 tak jari ho chuke the unko is Compendium mein sammilit kiya gaya hai. Is compendium ke jari hone se Mechanised Infantry ki uniton mein maanav sansadhan prabandhan ke liye lambe samay tak sahayata milegi.

Yadhapi Regiment ke karyarat sainikon ke career aur mahattavapurn dastavejon ki dekhabhal Abhilekh Karyalaya ke dwara ki jati hai saath mein yah yakin bhi kiya jata hai ki pratyek vyakti jo sevanivrut ho raha hai vo santusht aur khush hokar ghar jaye.